منتدي طلاب كلية العلوم جامعة طنطا
زائرنا العزيز لكم يسعدنا تشريفك منتدانا بالزيارة ارجوا ان ننال رضاكم عن المنتدي اذا كنت طالب في اي كلية علوم في الوطن العربي يمكنك التسجيل معنا لكي نستفيد من موضوعاتكم
ويتعم الاستفاده للجميع

هذا المنتدي خدمي مجاني لجميع طلاب كليه العلوم
برجاء عدم وضع الاعلانات الا بعد الرجوع لصاحب المنتدي او احد السادة المديرين

منتدي طلاب كلية العلوم جامعة طنطا

منتدى طلابى لكل دارسى ومحبى العلوم فى الوطن العربى
 
الرئيسيةالبوابةاليوميةس .و .جالتسجيلدخول
عزيزي الزائر مرحبا بك في منتدي علوم طنطا نهدي اليك هذا المجهود المتواضع *** اذا كنت احد طلاب كلية العلوم جامعة طنطا او من اي كلية علوم علي مستوي مصر و الوطن العربي *** يسعدنا انضمامك الي هذا المنتدي كي نساهم سويا في مساعدة بعضنا البعض في مجال الدراسة والبحث عن عمل *** شكرا ***
تم بحمدالله صيانة جميع الروابط الغير نشطة ***وتم اعاده رفع الملفات عبر موقع ميجا ابلود ****برجاء المتابعة والابلاغ عن اي روابط تالفة ****شكر ا
للاعضاء فقط ***اذا كنت تبحث في موضوع معين وتود المساعده برجاء انشاء موضوع بخصوص مشكلتك وسيتم الرد عليك في نفس الموضوع لتعم الفائدة ***
تم رفع فيديوهات لشرح جهاز الاوسليسكوب وجميع اجهزة القياس ايضا انبوبة اشعة اكس والعديد من الموضوعات فقط علي منتدي علوم طنطا ***
تابع موضوع تليسكوب فضائي لو عايز تعمل تليسكوب بنفسك بمكونات متوافرة ورخيصة في نفس الوقت
بعد التسجيل في المنتدي ستصلك رسالة علي الايميل الذي قمت بتحديده في استمارة البيانات ويجب عليك الدخول علي الايميل وفتح الرسالة ثم الضغط علي رابط تنشيط الحساب....................في حالة وجود مشكلة في التسجيل يرجي الاتصال بالادارة .....................شكرا............................
يسر ادارة المنتدي بان تعلن عن طلب مشرفين لجميع الاقسام علي من يرغب في الانضمام الي فريق الاشراف سرعة ارسال بياناته في رسالة خاصة والمنتدي الذي يرغب في الاشراف عليه ويفضل كتابة بعض الاراء حول تطوير المنتدي

شاطر | 
 

 ***(عندك كام سنه.......................؟)***

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حــــ العيـــــــــن ـور
مشرف
مشرف
avatar

عدد الرسائل : 297
نقاط : 475
تاريخ التسجيل : 14/01/2009

مُساهمةموضوع: ***(عندك كام سنه.......................؟)***   الجمعة 13 مارس 2009, 00:25

عندك كام سنه.....................؟
زى النهاردة من سنين شافت عنيا النور
كرمنى ربي بالحياة و أنعم عليا بنعمة الاسلام بقلب نبض بلا الا الا الله قبل ان يتعلمها لسانى
زى النهارده اصبح لى شهادة ميلاد لا تعنينى فى شئ الا كونها ورقة رسمية تثبت وجودى على قيد الحياة و بها يمكننى التعامل مع دنيا الورق فى كل مرحلة من مراحل عمري
سنين و سنين بتمر و مع كل عام نظرتى لذكرى ميلادى بتختلف عن العام اللى قبله

معظم الناس فى حداثة عمرهم بتطفى شموع عيد ميلادها وسط الناس اللى بتحبهم
و مبتعدش فات كام من عمرها و لا ايه قيمة ايامها اللى فاتت ولا اللى جايه

لكن مع مرور السنين اغلب الناس بتتمنى العمر يتوقف بيهم عند سن معين و بيبقى يوم ميلادهم يوم بيفكرهم ان سنة من عمرهم اتمحت من الوجود بلا رجعة

و احنا اطفال كنا بنشوف اللى عنده 16 سنة كبيييييير اوى بنى ادم ملو هدومه و طلع بطاقة شخصية بقى
و لما نوصل 16 نلاقينا لسه عيال لسه حتى مبدأناش الحياة و نتمنى نوصل العشرين و بعد العشرين نلاقينا لسه بنبتدى و غالبا مبنعرفش اذا كانت البداية صح ولا غلط الا بعد فوات الاوان و نبقى عايزين سنين عدم تحملنا للمسؤلية تطول و فى منتصف العشرينات بنبتدى نحس ان الحكاية مش لعبة و جه وقت الجد قبل ما سنين العمر تفرط من بين ادينا و نقول لما نوصل التلاتين ياااااه حنكون كبرنا و حققنا معظم احلامنا و استقرارنا و سعادتنا
و نوصل للتلاتين نلاقينا برضك صغار
تلاتين واحد و تلاتين ستة و تلاتين اربعين خمسة و اربعين خمسين ستين حتى لو وصلنا للتسعين و برضك بنحس اننا لسه مشبعناش من الحياة ولا حققنا كل احلامنا و ساعات بنحس اننا معشناش اصلا ولا يوم قبل كده

كل سنة بنحس اننا عايزين نبدأ من جديد و اننا محققناش اللى بنتمناه و و بنتمنى الزمن يرجع بينا عشان منكررش اخطاءنا و نستغل كل لحظة من عمرنا صح و يمكن تعدى كل سنين العمر و نحس اننا ضيعنا عمرنا بنجري ورا سراب و ان حاجات كتير ادناها اكتر من حقها و استهلكت من عمرنا سنين بلا داعى او العكس نكون اهملنا اشياء مهمة كتير كان لازم نعطيها من وقتنا و جهدنا المزيد
و قبل ما نقول ليه عمرنا عدى بسرعة بلا ثمار تذكر ليه مبنسألش نفسنا
ميلادنا الحقيقي ابتدأ امتى؟؟
يوم ما اتسجلنا فى سجل المواليد ولا يوم ما لاقينا نفسنا فعلا
يوم ما نتولد بجد حنعرف نعيش بجد
نستمتع بحياتنا بجد
لن يبلى شبابنا و لن ترحل ايامنا هباء

يوم ميلادى الحقيقي ابتدا مرتين
يوم ما عرفت ربي
و يوم ما وهبنى ربي الحب الحقيقي حب العمر رفيق العمر اللى اتولدت يوم ما اهدانى ربي بيه
العمر الحقيقي مبيتحسبش بالسنين اللى عشناها
بيتحسب بسنين رضا ربنا عننا و رضانا عن نفسنا
يعنى بالحسبة دى ممكن كلنا نطلع لسه فى كى جى ون و يمكن كتير مننا لسه متولدش اصلا
أسال الله لى و لكم البركة فى العمر و حسن العمل و حسن الخاتمة

السؤال الآن:
انت أتولدت امتى و كام مرة حسيت انك بتتولد من جديد و عندك كام سنة بحساباتك انت مش بحسابات السجل المدني؟؟؟
الرجوع الى أعلى الصفحة اذهب الى الأسفل
sad boy
المشرفون
المشرفون
avatar

عدد الرسائل : 318
نقاط : 416
تاريخ التسجيل : 10/10/2008

مُساهمةموضوع: رد: ***(عندك كام سنه.......................؟)***   الأحد 15 مارس 2009, 21:30

ممممممممممممممممممم موضوع جميل بس انا هأجل اجابتى عن الاسئله دى دلوقتى لانها عاوزه تفكير ونظام بس اكيد هجاوب هروح فين يعنى
الرجوع الى أعلى الصفحة اذهب الى الأسفل
sockratta
عضو برونزي
عضو برونزي
avatar

عدد الرسائل : 144
نقاط : 166
تاريخ التسجيل : 03/05/2009

مُساهمةموضوع: رد: ***(عندك كام سنه.......................؟)***   الإثنين 11 مايو 2009, 16:41

بميلادنا الحقيقي ابتدأ امتى؟؟
يوم ما اتسجلنا فى سجل المواليد ولا يوم ما لاقينا نفسنا فعلا
س من غير تفكيراكيد اليوم اللى لاقينا فيه نفسنا وفهمناها

لان اللى مش لاقى نفسه بيحس انه مش موجود وانه شىء خفى
مواضيعك رائعه
الرجوع الى أعلى الصفحة اذهب الى الأسفل
حــــ العيـــــــــن ـور
مشرف
مشرف
avatar

عدد الرسائل : 297
نقاط : 475
تاريخ التسجيل : 14/01/2009

مُساهمةموضوع: رد: ***(عندك كام سنه.......................؟)***   الثلاثاء 12 مايو 2009, 03:39

sad boy كتب:
ممممممممممممممممممم موضوع جميل بس انا هأجل اجابتى عن الاسئله دى دلوقتى لانها عاوزه تفكير ونظام بس اكيد هجاوب هروح فين يعنى
وانا مستنيه اجاباتك
شكرا ع المرور
الرجوع الى أعلى الصفحة اذهب الى الأسفل
حــــ العيـــــــــن ـور
مشرف
مشرف
avatar

عدد الرسائل : 297
نقاط : 475
تاريخ التسجيل : 14/01/2009

مُساهمةموضوع: رد: ***(عندك كام سنه.......................؟)***   الثلاثاء 12 مايو 2009, 03:40

sockratta كتب:
بميلادنا الحقيقي ابتدأ امتى؟؟
يوم ما اتسجلنا فى سجل المواليد ولا يوم ما لاقينا نفسنا فعلا
س من غير تفكيراكيد اليوم اللى لاقينا فيه نفسنا وفهمناها

لان اللى مش لاقى نفسه بيحس انه مش موجود وانه شىء خفى
مواضيعك رائعه
شكرا للمرور
الرجوع الى أعلى الصفحة اذهب الى الأسفل
????
زائر



مُساهمةموضوع: رد: ***(عندك كام سنه.......................؟)***   الأحد 31 مايو 2009, 14:13

كل سنة بنحس اننا عايزين نبدأ من جديد و اننا محققناش اللى بنتمناه و و بنتمنى الزمن يرجع بينا عشان منكررش اخطاءنا و نستغل كل لحظة من عمرنا صح و يمكن تعدى كل سنين العمر و نحس اننا ضيعنا عمرنا بنجري ورا سراب و ان حاجات كتير ادناها اكتر من حقها و استهلكت من عمرنا سنين بلا داعى او العكس نكون اهملنا اشياء مهمة كتير كان لازم نعطيها من وقتنا و جهدنا المزيد
و قبل ما نقول ليه عمرنا عدى بسرعة بلا ثمار تذكر ليه مبنسألش نفسنا
ميلادنا الحقيقي ابتدأ امتى؟؟
نحن حقا نحتاج ان نسال انفسنا ماهو يوم ميلادنا ربما لم نولد بعد او ما زلنا فى طور الرضاع الله عليكى يا روتى موضوع وفكره رائعه اتمنى لكى التوفيق والنجاح
الرجوع الى أعلى الصفحة اذهب الى الأسفل
 
***(عندك كام سنه.......................؟)***
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي طلاب كلية العلوم جامعة طنطا :: المنتـــدى العـــــام :: الساحة الأدبية-
انتقل الى: